Wednesday, November 26, 2014

საგანმანათლებლო ტექნოლოგიების კონფერენცია


მასალა აღებულია ბმულიდან

https://www.facebook.com/media/set/?set=a.913503822000697.1073742439.198164676867952&type=1


  საქართველოს განათლებისა და მეცნიერების მინისტრის მოადგილემ ლია გიგაურმა და მასწავლებელთა პროფესიული განვითარების ეროვნული ცენტრის დირექტორმა გიორგი მაჩაბელმა საქართველოს საგანმანათლებლო ტექნოლოგიების კონფერენცია გახსნეს, რომელსაც განათლებისა და მეცნიერების სამინისტროს, საერთაშორისო და არასამთავრობო ორგანიზაციების წარმომადგენლები ესწრებოდნენ.

კონფერენცია მასწავლებელთა პროფესიული განვითარების ეროვნული ცენტრის ინიციტივით და ინტელის, მაიკროსოფტის, იუ-ჯი-თისა და ეისერის მხარდაჭერით მოეწყო, რომლის მიზანია ტექნოლოგიების სფეროში მიმდინარე თანამედროვე ტენდენციების, საგანმანათლებლო სექტორში ინტეგრირებისა და განპირობებული ცვლილებების შესახებ დაინტერესებული მხარეების ინფორმირება, ტექნლოგიების სასწავლო პროცესში გამოყენების საუკეთესო პრაქტიკისა და გამოცდილების გაცნობა/გაზიარება მასწავლებლების, ექსპერტებს, უნივერსიტეტის წარმომადგენლებსა და საგანმანათლებლო ტექნოლოგიების სფეროში მოღვაწე ორგანიზაციებს შორის.

კონფერენციაზე იმსჯელეს ისეთ საკითხებზე, როგორიცაა:

• საგანმანათლებლო ტექნოლოგიები და მათი გამოყენება სასწავლო პროცესში;

• საგანმანათლებლო ტექნოლოგიების სფეროში მიმდინარე ტენდენციები და განპირობებული ცვლილებები;

• საკლასო ოთახში არსებული ტექნიკური პრობლემების გადაჭრის გზები.

კონფერენციის ფარგლებში მოეწყო ტექნოლოგიების გამოფენა და პრაქტიკული აქტივობები სხვადასხვა კომპიუტერული მოწყობილობებისა და პროგრამული უზრუნველყოფების დემონსტრირების მიზნით. მონაწილეები გაეცნენ ტექნოლოგიებს, რომლის გამოყენებაც წარმატებით შეიძლება საგანმანათლებლო პროცესში, ხოლო მეორეს მხრივ მონაწილეებისგან მიიღეს ინფორმაცია თუ რა საჭიროებები არსებობს საკლასო ოთახში და როგორ შეიძლება მათ გადასაჭრელად ტექნოლოგიების გამოყენება.

Wednesday, November 19, 2014

საგანმანათლებლო ტექნოლოგიების კონფერენცია

საქართველოს საგანმანათლებლო ტექნოლოგიების კონფერენცია 21-23 ნოემბერს, გაიმართება: სასტუმრო ქორთიარდ მარიოტში
თბილისი, თავისუფლების მოედანი 4. 
რეგისტრაცია დაიწყება 21 ნოემბერს დილის 9 საათზე.

Wednesday, October 22, 2014

საგანმანათლებლო ტექნოლოგიების კონფერენციის მონაწილეთა საყურადღებოდ!

მონაწილეთა რეგისტრაცია 23 ოქტომბერს 10:00 სთ-ზე დაიწყება. ბოდიშს გიხდით ტექნიკური შეფერხებისთვის.

Wednesday, October 1, 2014

საქართველოს საგანმანათლებლო ტექნოლოგიების კონფერენცია

მასწავლებელთ საყურადღებოდ!

2014 წლის 21-23 ნოემბერს  საქართველოში პირველად გაიმართება საგანმანათლებლო ტექნოლოგიების კონფერენცია, რომელიც ზოგადი განათლების სექტორში ამ მიმართულებით ყველაზე მასშტაბური ღონისძიებაა.

   გაეცანით კონფერენციის პროგრამას და დარეგისტრირდით! 

ამონარიდი კონფერენციის  ვებ-გვერდიდან.


საქართველოს საგანმანათლებლო ტექნოლოგიების კონფერენცია იწვევს დაინტერესებულ პირებს, რომლებსაც უყვართ ტექნოლოგიები და ინოვაციები, აქტიურად უწყობენ ხელს ან პრაქტიკულად ნერგავენ სასწავლო გარემოში. 
კონფერენცია მიზნად ისახავს ტექნოლოგიების სფეროში მიმდინარე თანამედროვე ტენდენციების, საგანმანათლებლო სექტორში ინტეგრირებისა და განპირობებული ცვლილებების შესახებ დაინტერესებული მხარეების ინფორმირებას, ტექნლოგიების სასწავლო პროცესში გამოყენების საუკეთესო პრაქტიკისა და გამოცდილების გაცნობასა და გაზიარებას  მასწავლებლებს, ექსპერტებს, უნივერსიტეტის წარმომადგენლებსა და საგანმანათლებლო ტექნოლოგიების სფეროში მოღვაწე ორგანიზაციებს შორის. 
 კონფერენციის ძირითადი აქტივობები:
  • პარალელური სესიები საგანმანათლებლო ტექნოლოგიებისა და მათი სასწავლო პროცესში გამოყენების შესახებ;
  • საერთაშორისო და ადგილობრივი მოწვეული ექსპერტების მოხსენებები საგანმანათლებლო ტექნოლოგიების სფეროში მიმდინარე ტენდენციებისა და განპირობებული ცვლილებების შესახებ;
  • პლენარული სესიები საქართველოსა და საერთაშორისო პერსპექტივების შესახებ;
  • ექსპერტების სესიები ტექნოლოგიური სიახლეების, გაჯეტების და პროგრამების შესახებ განათლებაში;
  • ტექნოლოგიების სემინარები საკლასო ოთახში არსებული ტექნიკური პრობლემების გადაჭრის გზებზე;
  • გამოფენა და პრაქტიკული აქტივობები სხვადასხვა კომპიუტერული მოწყობილობებისა და პროგრამული უზრუნველყოფების დემონსტრირების მიზნით;
  • პოსტერების გამოფენა ინოვაციური პროექტებისა და სკოლაში ტექნოლოგიების დანერგვის გამოცდილების სადემონსტრაციოდ;
  • სასკოლო ვიზიტი ისტ-ის დანერგვის საუკეთესო პრაქტიკის მაგალითის დემონსტრირებისა და გამოცდილების გაზიარების მიზნით.
კონფერენციის თემატური მიმართულებები:
  • სწავლა და და სწავლება ციფრულ ეპოქაში
  • მენეჯმენტი და ლიდერობა
  • პროფესიული განვითარება
  • კვლევები სწავლა-სწავლებაში ისტ-ის გამოყენებაზე
  • ტექნოლოგიური ინფრასტრუქტურა
შედეგები:
  • მასწავლებლები განავითარებენ ახალ სტრატეგიებს თუ როგორ გამოიყენონ ტექნოლოგიები სასწავლო პროცესში და უზრუნველყონ აქტიური სასწავლო გარემო;
  • სკოლის ხელმძღვანელები ინფორმაციას მიიღებენ, როგორ შეიძლება მოსწავლეების სასწავლო შედეგების გაუმჯობესება ტექნოლოგიების საშუალებით, როგორ დანერგონ და ხელი შეუწყონ ციფრული კულტურის დამკვიდრებას სკოლაში;
  • ისტ მენეჯერები მიიღებენ ინფორმაციას სკოლის ისტ ინფრასტრუქტურის განვითარების შესახებ;
  • უნივერსიტეტები მიიღებენ ინფორმაციას ციფრულ ერაში სწავლა-სწავლებისთვის საჭირო უნარების თაობაზე უახლესი მიმართულებებისა და ინიციატივების შესახებ;
  • მთავრობისა და ისტ ბიზნესის წარმომადგენლები მიიღებენ ინფორმაციას საკლასო დონეზე საჭიროებებისა და გამოწვევების, ისტ-ის საკლასო ოთხში გამოყენების უახლესი ტენდენციების, ტექნიკური ინფრასტრუქტურის განვითარების სტრატეგიებისა და მოდელების შესახებ;
  • დაინტერესებული მხარეები საუკეთესო პრაქტიკის მაგალითებს გაუზიარებენ ერთმანეთს, დისკუსიაში ჩაერთვებიან, გამოცდილებას გაცვლიან და ახალ კონტაქტებს დაამყარებენ.


Sunday, September 14, 2014

გრძელდება ინტელის ტრენინგები კახეთის რეგიონში

ძვირფასო მასწავლებლებო! გილოცავთ სასწავლო წლის დაწყებას! 

2014 - 2015 სასწვლო წელი თქვენი პრფესიული წინსვლის,   წარმატებების და გამარჯვებების წელი ყოფილიყოს!  მოსწავლის სიყვარული და პატივისცემა ნუ მოგკლებოდეთ მთელი წლის მანძილზე! გილოცავთ ყველას 


მასწავლებლის კარიერული წინსვალა ნაწილობრივ ტრენინგებზეა დამოკიდებული :) მასწავლებლის სახლიც აგრძელებს თქვენზე ზრუნავს და გთავაზობთ ტრენინგმოდულს " intel - პროექტებით სწავლება". ამჯერად თელავის რაიონის პედაგოგებს ვიწვევთ ტრენინგებზე. ამისათვის კი უნდა შეავსოთ რეგისტრაციის ფორმა 

ტრენიგები დაიწყება შაბათს, 20 სექტემბერს, თელავის N9 სჯარო სკოლის კომპიუტერულ ლაბორატორიაში 13,00 სთ–დან. 

გისურვებთ წარმატებებს! 

იჩქარეთ, ამ ეტაპზე მხოლოდ ორი ჯგუფი დაკომლექტდება :) 






Monday, September 1, 2014

გრძელდება მასწავლებელთა ტრენინგები ტექნოლოგიებში . . .


თელავის რაიონის პედაგოგებისათვის!

ცხადდება რეგისტრაცია  მასწავლებლებისათვის, ვისაც სურს ტექნოლოგიებში  ტრენინგების გავლა. ქვემოთ მოცემულია რეგისტრაციის ფორმა , გთხოვთ გახსნათ დოკუმენტი და შეავსოთ! გაითვალისწინეთ, რომ  ტრენინგები ჩატარდება თქვენთვის საასურველ დროს 2014 წლის შემოდგომაზე. ჯგუფები იმუშავებს სექტემბერში, ოქტომბერში და ნოემბერში.