Monday, June 29, 2009

II დონის ტრენინგები მასწავლებლებისათვის...

მასწავლებელთა პროფესიული განვითარების ცენტრის ინიციატივით წარმატებით ხორციელდება მასწავლებელთა ინფორმაციულ - საკომუნიკაციო ტექნოლოგიების ტრენინგები.
ტრენინგ კურსის მიზანია საქართველოს სკოლების მასწავლებელთა კვალიფიკაციის ამაღლება ისტ ათვისებისა და გამოყენების კუთხით.
ტრენინგ-კურსის გავლის შემდეგ მასწავლებლებმა უნდა წარმოადგინონ
  • გაკვეთილის გეგმები შესაბამისი სასწავლო ციფრული ობიექტებით;
  • სასწავლო პროექტი, შესაბამისი სასწავლო ციფრული ობიექტებით.
დავალებების წარმატებით შესრულების შემდეგ მასწავლებელს გადაეცემა სერთიფიკატი. სერთიფიცირების პირობები შემდეგია:
  • მინიმუმ 10 ტრენინგ-დღეზე დასწრება;
  • მოდულის დასრულების შემდეგ დავალების წარმოდგენა ელექტრონულ ფორმატში;
  • კურსის ბოლოს გამოქვეყნებული ელექტრონული პორტფოლიო.
აღნიშნული ტრენინგები საქართველოს სხვადასხვა ქალაქში ტარდება. მათ შორის თელავშიც. 2009 წლის ივნისის თვეში IREX-ის თელავის ოფისმა უმასპინძლა ტრენინგის მონაწილეებს და დაუთმო ინტერნეტ ქსელში ჩართული 9 კომპიუტერი. ტრენინგზე მოწვეული იქნა 24 პედაგოგი, რომლებიც აკმაყოფილებდნენ კომპიუტერთან ურთიერთობის საბაზისო ცოდნასა და უნარ-ჩვევებს. მასწავლებლები ორ 12-12 კაციან ჯგუფში გადანაწილდნენ. ტრენინგების მიმდინარეობისას თითოეულმა მასწავლებელმა შექმნა პერსონალური ელ-პორტფოლიო და პირადი ბლოგები.
პროფესიული სრულყოფის მიზნით “განსასჯელად“ გამოგვაქვს ტრენინგის მონაწილეთა ნამუშევრები. ობიექტურად შეფასებული ყოველი კომენტარი ჩვენთვის ძვირფასია.

გთხოვთ, ითანამშრომლოთ ჩვენთან. იმედი გვაქვს, კოლეგები სხვადასხვა ქალაქებიდან შეგვეხმიანებით!


თქვენც შეგიძლიათ თქვენი მოსაზრებები გამოაქვეყნოთ ამ ფორუმზე


I ჯგუფი


II ჯგუფი




Posted by at

No comments:

Post a Comment

Subscribe to: Post Comments (Atom)